Kartet «Måltid og mat i skolen»

Last ned kartet «Måltid og mat i skolen» (PDF)

Last ned kun workshop-plan (PDF)

Karet gjer seg best om det vert skrive ut i A3.

Slik bruker du kartet

Korleis ein «les» kartet vil vere individuelt, og det er ingen «fasit» bak illustrasjonane, dei er meint for å utvide diskusjonen rundt skulemat til ein refleksjon om måltidet sin plass i skulen. 

Kartet består av ni ulike illustrasjonar som synleggjer ulike aspekt ved skulemåltid og skulemat. Dei to kolonnane på venstre side omhandlar i stor grad sjølve måltidet og er like relevante å diskutere ved ein matpakkeskule som ved ein skule som har ei skulematordning. Den siste kolonna på høgre side handlar i større grad om organisering av ei skulematordning. 

Tips til refleksjonsspørsmål

• Kva er eit godt måltid? Kva består det av og kva kan det romme?
• Kva tverrfaglege moglegheiter ligg i skulemåltidet?
• Kva ressursar har de i personalgruppa?
• Korleis bruker de måltid og mat som arena for danning, sosial læring og inkludering? Korleis kan eleven aktivt medverke?
• Korleis går vi foran som rollemodellar under måltida?  
• Korleis kan de sikre elevmedverknad i planlegging og gjennomføring av skulemåltidet? 
• Korleis kan de sikre at elevane får tilstrekkeleg med tid til skulemåltidet?
• Korleis kan de legge til rette for gode matvanar hos elevane?
• Korleis kan de involvere foreldre i arbeidet med skulemåltidet?

Bakgrunn

Den øvste rada i kartet tek utgangspunkt i styringsdokument som læreplanverket LK20 og nasjonal fagleg retningslinje for mat og måltid i skulen og skulefritidsordninga, i tillegg til den offentlege debatten om skulemat og skulemåltid i skulen. Dei to nedste radene bygger i større grad på innsikt og erfaringar frå elevar og tilsette i skular og kommunar som har blitt intervjua av Nasjonalt senter for mat, helse og fysisk aktivitet i perioden 2022-2024.  

I denne perioden arbeida senteret, på oppdrag frå Helse- og omsorgsdepartementet og Kunnskapsdepartementet, med å bidra med innsikt om korleis skular og kommunar organiserer skulematordningar og korleis skular organiserer skulemåltidet. Dette arbeidet vart oppsummert i rapportane Erfaringer fra skolematordninger i Norge (2022) og Lokale prosesser ved innføring av skolemat i et utvalg norske kommuner (2024). 

Tilbake til «Workshop – eit nyttig verktøy for diskusjon og felles forståing»