GUOVDDÁŽA BIRRA

Našuvnnalaš biebmo-, dearvvašvuođa- ja rumašlaš aktivitehtaguovddáš lea ásaheami vuolde. Bergen allaskuvla lea guovddáža doalloásahus. Guovddáš galgá nannet mánáidgárddiid ja skuvllaid rolla dearvvašvuođaovddideaddji, nannejeaddji ja fátmmasteaddji arenan mánáide ja nuoraide.

Guovddážis galgá leat riikkaviidosaš doaibma ja galgá earret eará:

  • čalmmustahttit ja gaskkustit oktavuođa gaskal dearvvašvuođa ja mánáid ja nuoraid oahppama, oahppanbirrasa ja oahppoávkki, gos dearvvašlaš boradeapmi ja rumašlaš aktivitehta deattuhuvvo
  • čalmmustahttit movt biebmodoallu ja rumašlaš aktivitehta sáhttet lunddolaččat integrerejuvvot fágaid rastá
  • ovddidit buriid vugiid das movt mánáidgárddit, skuvllat ja vuođđodearvvašvuođabálvalusat ovttas sáhttet nannet mánáidgárddiid ja skuvllaid rolla dearvvašvuođaovddideaddji ja fátmmasteaddji arenan mat veahkehit unnidit sosiála erohusaid
  • doaibmat resursan biebmodoalu ja dearvvašvuođa-fágaide ja lášmmohallan-fágaide vuođđoskuvllas ja joatkkaoahpahusas
  • gaskkustit, rávvet ja bagadit dutkama ja geahččaladdan- ja ovdánahttinbargguid bohtosiid ja buori geavada ovdamearkkaid vuođul

Máhttodepartemeanta ja Dearvvašvuođa- ja fuolahusdepartemeanta ovttasbarget guovddáža hárrái, Dieđ. St. 20 (2012-2013) På rett vei – kvalitet og mangfold i fellesskolen (Rievttes geainnu nalde – kvalitehta ja máŋggabealátvuohta oktasašskuvllas), Dieđ. St. 34 (2012-2013) Folkehelsemeldingen. God helse – felles ansvar (Álbmotdearvvašvuođadieđáhus. Buorre dearvvašvuohta – oktasaš ovddasvástádus) ja Dieđ HYPERLINK «http://www.regjeringen.no/nb/dep/kd/dok/regpubl/stmeld/2012-2013/meld-st-24-20122013.html?id=720200» \n _blank. St. 24 (2012–2013) Framtidens barnehage (Boahtteáiggi mánáidgárdi) čuovvoleapmin.